වාහන ආදායම් බලපත්ර නිකුත් කිරීම
වාහන ආදායම් බලපත්රයක් ලබා ගැනීමට අවශ්ය ලිපි ලේඛන කවරේද?
- වාහනයට අදාල පොතේ මුල් පිටපත(ලීසින් කර ඇති වාහනයක් නම් එම ආයතනය විසින් සහතික කරන ලද පොතේ පිටපත)
- දුම් සහතිකය
- වාහනයේ රක්ෂණ සහතිකය
- පෙර වසරේ ආදායම් බලපත්රය
නැති වූ වාහන ආදායම් බලපත්රයක් නැවත ලබා ගන්නේ කෙසේද?
- වාහනයට අදාල පොතේ මුල් පිටපත
- වාහනයේ රක්ෂණ සහතිකය
- ආදායම් බලපත්රය නැති වූ දින සිට කල් පිරෙන දින දක්වා අදාල ගාස්තු ගෙවීමට සිදු වේ
- වාහන ආදායම් බලපත්රය නැතිවූ බවට පොලිස් පැමිණිල්ලේ පිටපත
වාහනයක හිමිකම පැවරීම
වාහනයක හිමිකම පැවරීම සදහා අවශ්ය ලියකියවිළි කවරේද?
- සම්පූර්ණ කරන ලද එම්.ටී.ඒ.6 හා එම්.ටී.ඒ.8 ආකෘති පත්රය
- වාහනයේ ලියාපදිංචි සහතිකය හා ඡායා පිටපත් දෙකක්
- පැවරුම් දිනට අදාළ වර්ෂය සඳහා ආදායම් බලපත්රය සහ එහි ඡායා පිටපතක්( ඉදිරියට මාස 6 ක වලංගුවිය යුතුය)
- පැවරුම්ලාබියාගේ හැදුනුම්පතේ ඡායා පිටපතක්(ග්රාම නිලධාරී සහතික කරන ලද)
- පැවරුම්ලාභියාගේ පාස්පෝට් ප්රමාණයේ ෆොටෝ දෙකක්(එකක් ග්රාම නිලධාරී සහතික කර තිබිය යුතුය)
- ජාතික හැදුනුම්පතේ ලිපිනය හා දැනට පදිංචි ලිපිනයෙහි වෙනසක් ඇත්නම් ග්රාම නිලධාරීගෙන් ලබා ගත් පදිංචි සහතිකයක්
වාහනයක් පැවරීම සදහා අවශ්ය ලියකියවිළි කවරේද?
| වාහන වර්ගය | පැවරුම් ගාස්තු (රු) | තැපැල් ගාස්තු(රු) | පරම අයිතිය හෝ උකසක් අහෝසි කිරීමේ ගාස්තු(රු) | අංක තහඩු වෙනස් කිරීමේ ගාස්තු(රු) |
| මෝටර් කාර්,ද්විකාර්ය වාහන,මෝටර් ලොරි, මෝටර් කෝච්, ප්රයිමර් මුවර් | 2500 | 50 | 500 | 3300 |
| කෘෂිකාර්මික වාහන | 500 | 50 | 500 | 3300 |
| කෘෂිකාර්මික නොවන වාහන | 1000 | 50 | 500 | 3300 |
| රෝද 4 ට්රැක්ටර් | 1200 | 50 | 500 | 3300 |
| ට්රැක්ටර් ටේලර් | 1000 | 50 | 500 | 3300 |
| අත් ට්රැක්ටර් | 500 | 50 | 500 | 2400 |
| ත්රීරෝද රථ | 500 | 50 | 500 | 2800 |
| මෝටර් සයිකල් | 500 | 50 | 500 | 2400 |
| ලොරි ටේලර් | 2000 | 50 | 500 | 3300 |
සමාජ සේවා අංශය
ගර්භණී මව්වරුන්ට ලබා දෙන රු. 20,000/= පෝෂණ දීමනාව ලබා ගන්නේ කෙසේද?
- ගැබ් ගෙන මාස 3ක් ඉක්මවීමට පෙර ඔබ සහභාගී වූ මාතෘ සායනය අයත් ප්රාදේශීය ලේකම් කාර්යාලයේ මුල් ළමාවිය සංවර්ධන නිලධාරී හෝ මෙම වැඩසටහන ක්රියාත්මක කරන නිලධාරියාගෙන් අයදුම්පතක් ලබා ගත හැකිය.
අධ්යාපන ආධාර ලබා ගත හැකි අය කවුරුන්ද?
- දරුවන්ගේ පියා මියගොස් ඇති හෝ සුව කළ නොහැකි ආබාධයකින් පෙළේ නම් පාසැල් යන දරුවන්ට ශිෂ්යාධාර ලබා ගත හැකිය.
රාජ්ය නොවන සංවිධානයක් ලියාපදිංචි කරන්නේ කෙසේද?
- ආරම්භ කර වසරක් ඉක්ම වූ රාජ්ය නොවන සංවිධාන ලියකියවිලි ලබා දීමෙන් පසුව ලියාපදිංචි කරනු ලබයි.
සමෘද්ධි ප්රතිලාභය අලුතින් ලබා ගත හැකිද?
- දැනට නව ප්රතිලාභීන් තෝරා නොගන්නා අතර ඉදිරියේදී සලකා බැලීම සදහා අභියාචනා භාර ගනු ලැබේ.
අතිරේක දිස්ත්රික් රෙජිස්ට්රාර් අංශය
උප්පැන්න හෝ විවාහ හෝ මරණ සහතිකයේ පිටපත් ලබා ගන්නේ කෙසේද?
- උප්පැන්න හෝ විවාහ හෝ මරණ සහතිකයේ අංකය හා දිනය දන්නේ නම් රුපියල් 100ක්ද,
- උප්පැන්න හෝ විවාහ හෝ මරණ සහතිකයේ අංකය හා දිනය නොදන්නේ නම් රුපියල් 200ක්ද ප්රාදේශීය ලේකම් කාර්යාලයට ගෙවා සහතික පත් ලබා ගත හැකිය.
වෙනත් කොට්ඨාසයකට අදාල උප්පැන්න,මරණ,විවාහ සහතික මෙම කාර්යාලයෙන් ලබාගත හැකිද?
- දිවයිනේ ඔීනෑම දිස්ත්රික්කයක ඉහත සහතික මෙම කාර්යාලයෙන් ලබාගත හැකිය.(1950 වර්ෂයට පසු සහතික)
උපත් ලියාපදිංචි කරන්නේ කෙසේද?
- සාමාන්ය උපතක් ලියාපදිංචි කිරීම සඳහා උපත සිදු වී මාස තුනකට කලින් අදාළ කොට්ධාශයේ උප්පැන්න ලියාපදිංචි කිරිමේ රෙජිස්ට්රාර්වරයකු මුණ ගැසී උපත ලියාපදිංචි කර ගත යුතුය.
- මාස තුනක් පසුවූ උප්පැන්න ලියාපදිංචි කිරීම සඳහා අතිරේක දිස්තික් රෙජිස්ට්රාර් මුණ ගැසී අදාළ තොරතුරු ලබා ගන්න.
විශ්රාම වැටුප් අංශය
සිවිල් විශ්රාමිකයා මිය ගිය පසු වැන්දඹු අනත්දරු විශ්රාම වැටුප සාදා ගන්නේ කෙසේද?
- පළමුව විශ්රාමිකයාගේ මරණ සහතිකය ලබා ගෙන විශ්රාම වැටුප නතර කිරීම.
- වැඩිපුර මුදලක් තිබේ නම් එය ගෙන්වා ගැනීමට බැංකුවට ලිපි දැමීම.
- පසුව අදාල පුද්ගලයා පහත සඳහන් ලිපි ලේඛන රැගෙන එන ලෙස දැනුම් දීම.
- විශ්රාමිකයාගේ මරණ සහතිකයේ මුල් පිටපත
- වැන්දඹුවගේ උප්පැන්න සහතිකයේ මුල් පිටපත
- විවාහ සහතිකයේ මුල් පිටපත
- වැන්දඹුවගේ බැංකු පොතේ ඡායා පිටපතක්
- වැන්දඹුවගේ හැදුනුම්පතේ ඡායා පිටපතක්
- වැන්දඹු අනත්දරු කාඩ්පතේ ඡායා පිටපතක් හෝ වැන්දඹු අනත්දරු අංකය
- ග්රාම නිලධාරි විසින් සහතික කරන ලද පාස්පෝට් ප්රමාණයේ වර්ණ ජායාරූපයක්
- ඉහත ලියවිලිවල ඡායාපිටපත් සියල්ල ග්රාම නිලධාරී විසින් සහතික කල යුතුය.
- අනතුරුව ඔවුන් අදාල තොරතුරු ලබා දුන් පසු ලිපිගොනුව රැගෙන වැන්දඹු අනත්දරු විශ්රාම වැටුප සෑදීමට අවශ්ය කටයුතු කිරීම.
විශ්රාමිකයින්ගේ විශ්රාම වැටුප නතර කර ඇත්තේ ඇයි?
- අදාල වර්ෂය සඳහා ජීවිත සහතිකය ලබා නොදීම නිසා විශ්රාම වැටුප නතර කිරීම.
- විශ්රාමිකයා පැමිණි පසු ජීවිත සහතිකය ලබා දීම හා ග්රාම නිලධාරී මහතා ලවා සහතික කර රැගෙන එන ලෙස පැවසීම.
- පසුව නැවත ජීවිත සහතිකය භාර දුන් පසු විශ්රාම වැටුප යාවත්කාලීන කිරීම.
වැන්දඹුව මියගිය පසු විශ්රාම වැටුප උරුමකරුවන්ට ගෙවන්නේ නැත්තේ ඇයි?
- වැන්දඹු අනත්දරු විශ්රාම වැටුප් පනතට අනුව වැන්දඹු අනත්දරු විශ්රාම වැටුප් මුදලට හිමිකම් ලැබූ පුද්ගලයෙක් මිය ගිය පසු එකී පුද්ගලයාට හිමි විය යුතු වැටුපක් හෝ හිඟ මුදලක් ඇත්නම් එම මුදල් ඔවුන්ගේ උරුමකරුවන් වෙත ගෙවීම සඳහා නෛතික ප්රතිපාදන නොමැති බව පහදා දීම.
