ප්‍රාදේශීය ලේකම් කාර්යාලය - මාවතගම

සියළු ජාතීන් හා ආගම් අතර සහාජීවනය සංහිඳියාව හා එ්කාබද්ධතාවය ගොඩනැගීම සඳහා වර්ෂය පුරා විවිධ වැඩසටහන් දියත් කරන මාවතගම ප්‍රාදේශීය ලේකම් කාර්යාලයේ ප්‍රාදේශීය ලේකම්තුමන්ගේ උපදෙස් හා මගපෙන්වීම මත මාංඩලික නිලධරින් හා කාර්යාලයේ සියළු නිලධාරින්ගේ සහයෝගයෙන් ස්ලාම් භක්තිකයන්ගේ  රාමසාන් උපවාස කාලය  නිමිතිකරගෙන දෙවන වරට සංවිධානය කරන ලද ඉෆ්තාර් සැමරුම් උත්සවය මව්ලවි තුමන්ලා ඇතුළු ස්ලාම් භක්තිකයන්ගේ සහභාගිත්වයෙන් ප්‍රාදේශීය ලේකම් කාර්යාලීය ශ්‍රවණාගාරයේදී සාර්ථකව පැවැත් වීය. මෙය 2024.04.01 දින කාර්යාලීය රැස්වීම් ශාලාවේ දී පැවැත්විණි

මාවතගම ප්‍රාදේශීය ලේකම් කාර්යාලයේ නිලධාරින් විසින් වාර්ෂිකව මාවතගම සාමබෝධී විහාරස්ථනයේ සිල්සමාදන් වන උපාසක උපාසිකාවන් සදහා පිරිනමන දුරුතු පෝය දින දහවල් දානය, ප්‍රාදේශිය ලේකම්තුමන්ගේ උපදෙස් හා මගයෙන්වීමෙන් සියළුම නිලධාරිගේ දායකත්වය මත බෞද්ධ කටයුතු අංශය සංවිධානය කර 2024 වසරේ දුරුතු පෝය දිනද මෙම දානය, සහකාර ප්‍රාදේශි ලේකම්තුමන්තුමිය සහකාර අධ්‍යෂතුමිය සමෘද්ධි මුලස්ථාන කළමනාකාරතුමිය ඇතුළු නිළධාරින්ගේ සහභාගිත්වයෙන් දානය පිරිනැමීම සාර්ථකව සිදු විය

76 වන නිදහස් සමරු ජාතික වැඩසටහනට සමගාමිව මාවතගම ප්‍රාදේශීය ලේකම් කොට්ඨාශය තුල සිදුකල පලමු වැඩසටහන ලෙස කටු අනෝදා පැල පැල සිටුවීමේ වැඩසටහනක් මාවතගම සංස්කෘතික මධ්‍යස්ථාන භූමියෙදි දරුවන් දෙමාපියන් හා ප්‍රාදේශිය ලේකම්තුමන් ඇතුළු නිළධාරින්ගේ සහභාගිත්වයේන් සිදු කරන ලදි. ප්‍රාදේශීය ලේකම්තුමන්ගේ උපදෙස් හා මගපෙන්වීම් මත සංස්කෘතික මධ්‍යස්ථානයේ ස්ථභාර නිලදාරිතුමියගේ සහයෝගය ඇතිව පරිසර සංවර්ධන නිලධාරිතුමිය විසින් සංවිධානය කරන ලද මෙම වැඩසටහන සඳහා කටු අනෝදා පැල නොමිලේ ලබා දීම මාවතගම ආයෝජන කලාපයේ පිහිටි MAS ඇගළුම් ආයතනය මගින් සිදු කරන ලදි.

සියළු ජාතීන් හා ආගම් අතර සහාජීවනය ගොඩනැගීම සඳහා වර්ෂය පුරා විවිධ වැඩසටහන් දියත් කරන මාවතගම ප්‍රාදේශීය ලේකම් කාර්යාලයේ ප්‍රාදේශීය ලේකම්තුමන්ගේ උපදෙස් හා මගපෙන්වීම මත මාණ්ඩලික නිලධාරින් හා කාර්යාලයේ සියළු නිලධාරින්ගේ සහයෝගයෙන් සංවිධානය කරන ලද තෛපොංගල් සැමරුම් උත්සවය සාර්ථකව පැවැත් වීය